WAZIRI SIMBACHAWENE AIFUNGUA RASMI SHULE YA MSINGI KOMOTE TARIME MJI

Posted on: October 3rd, 2024

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene amezindua rasmi shule ya msingi ya Komote iliyopo kata ya Nkende Halmashauri ya Mji Tarime

Uzinduzi huo umefanyika tarehe 2, Octoba wakati wa ziara yake katika Halmashauri ya Mji Tarime na kuwataka waalimu pamoja na viongozi wa Halmashauri hiyo kuhakikisha wanaendelea kusimamia vyema miundombinu ya shule hiyo

"Mhe. Rais wa Jamhuri ya Muungano wa Tanzania Dkt. Samia Suluhu Hassan anaendelea kuimarisha sekta mbalimbali nchini leo tunazindua shule yenye gharama kubwa shule inapendeza sana nawaombeni waalimu na viongozi tusimamie vyema miundombinu ya shule hii ili wana Tarime waendelee kunufaika hapa" amesema Simbachawene

Aidha, amewataka waalimu ambao wanajitolea katika idara mbalimbali kuwa wavumilivu kwani Serikali inapanga kuwapa ajira za kudumu pale mchakato utakapo kamilika 

Shule ya Msingi Komote imejengwa kupitia mradi wa BOOST ambao mradi mpaka kukamilika uligharimu jumla ya kiasi cha Tsh 540,300,000