DC GOWELE AFUNGUA MAFUNZO KWA MADIWANI

Posted on: January 12th, 2026

Mkuu wa Wilaya ya Tarime Mhe. Meja Edward Gowele leo January 12 ,2026 amefungua rasmi mafunzo maalaumu kwa Waheshimiwa Madiwani wa Halmashauri ya Mji Tarime pamoja na Halmashauri ya Wilaya ya Rorya kwa lengo la kuwajengea uwezo wa kiutendaji, kisheria na kimaadili ili waweze kutekeleza majukumu yao ya uongozi, uwakilishi na usimamizi wa rasilimali za Halmashauri kwa ufanisi na tija.

Mafunzo hayo yanatolewa katika ukumbi wa Halmashauri ya Mji Tarime na wawezeshaji kutoka Chuo cha Serikali za Mitaa wakishirikiana na OWM-TAMISEMI..

Akizungumza wakati wa ufunguzi wa mafunzo hayo DC Gowele amewataka Madiwani kutumia mafunzo hayo kama fursa ya kuongeza uelewa wao kuhusu majukumu yao, misingi ya uongozi bora pamoja na kuimarisha uwajibikaji kwa wananchi waliowachagua.

Aidha, amewakumbusha madiwani kuzingatia maadili ya uongozi, mshikamano na  ushirikiano na wataalamu wa Halamshauri ili kuhakikisha shughuli za kimaendeleo zinakuwa na tija kwa wananchi.

"Niwaombe waheshimiwa madiwani kuzingatia maadili ya ungozi, uadilifu na uwajibikaji kwani mna dhamana ya wananchi na mnapaswa kuwa kioo na mfano bora katika Jamii" Amesema Gowele.

Mafunzo hayo yanatarajiwa kudumu kwa muda wa siku 2 chini ya wakufunzi Dr.Samsoni Msillu, Manumbu Hezron na Geofrey Ndunguru kutoka chuo cha Serikali za Mitaa na Yustina Bubinza kutoka TAMISEMI