WANANCHI WA WILAYA YA TARIME WAJITOKEZA KWA WINGI KUTOA MAONI KWA TUME YA UCHUNGUZI.

Posted on: January 10th, 2026

Wananchi wa wilaya Tarime walioathirika na matukio ya wakati na baada ya uchaguzi mkuu octoba 29, 2025 wametoa maoni na ushauri wao kwa tume ya uchunguzi wa matukio ya wakati na baada ya ucahguzi.

Maoni hayo yametolewa na kupokelewa Januari 09, 2026 katika ukumbi wa Halmashauri ya Mji Tarime ikihusisha matukio ya vifo, kupata majeraha na uharibifu wa mali.

Baadhi ya wananchi wametumia fursa hiyo kueleza yaliyojiri ili kusaidia kupatikana kwa haki na kuzuia matukio kama hayo siku zijazo.

Aidha Mwenyekiti wa Wajasiriamali ndugu Endrew Otaigo amesema baada ya soko la Rebu na soko kuu la Tarime kufungwa kwa muda Matunda, Nyanya na bidhaa nyingine zilioza na wajasiriamali 9 walichomewa meza zao, kama kuna namna ya kupata fidia tunaiomba serikali itusaidie.

Kwa upande ya baadhi ya wananchi wameitaka tume kuharakisha uchunguzi ili kuweza kujua hatua gani zitachukuliwa kwa ndugu jamaa na marafiki waliopotea na waliopata madhara.  

Kwa niaba ya Tume Balozi Radhia Msuya amewamepongeza mwitikio mkubwa wa wananchi huku akisisitiza wananchi kuendelea kutoa maoni yao kupitia tovuti ya Tume ya Uchaguzi.