WASIMAMIZI WA VITUO NA MAKALANI WA UCHAGUZI WAAPISHWA KUELEKEA UCHAGUZI WA SERIKALI ZA MITAA TARIME MJI

Posted on: November 23rd, 2024

Wasimamizi wa vituo vya kupigia kura pamoja na makalani katika Halmashauri ya Mji Tarime wameapishwa leo na kupatiwa semina kuhusu upigaji kura kuelekea uchaguzi wa Serikali za mitaa unaotarajiwa kufanyika tarehe 27/11/2024

Akizungumza baada ya kuhitimisha semina hiyo Kwa niaba ya Msimamizi wa uchaguzi Halmashauri ya Mji Tarime Ndugu Erasto Mbunga amewataka maafisa hao kuhakikisha wanafata taratibu zote za uchaguzi siku ya kupiga kura ili uchaguzi ufanyike kwa amani

"Jukumu hili tunapaswa kulifanya kwa uadilfu mkubwa kama ambavyo kanuni na taratibu zinavyosema amani ya Mji wetu siku ya uchaguzi ipo kwetu hivyo tuhakikishe tunatenda haki kwa kila mmoja hadi tukamilishe uchaguzi" amesema Mbunga

Aidha, amewasisitiza kuendelea kuhamasisha wananchi kwenye kila mitaa ili siku ya kupiga kura wajitokeze kwa wingi kumchagua kiongozi wa mitaa yao

Zoezi la upigaji kura litafanyika siku ya Jumatano tarehe 27/11/2024 kuanzia majira ya saa mbili kamili hadi saa kumi kamili jioni katika vituo vitakavyokuwa kila mtaa