WAHUDUMU WA AFYA TARIME MJI WAJENGEWA UWEZO WA KUTUMIA VIFAA TIBA

Posted on: June 26th, 2025

Wahudumu wa afya katika Hospitali ya Mji Tarime wamejengewa uwezo wa kutumia vifaa tiba vya kisasa kwenye utoaji wa Huduma za afya katika jengo la wagonjwa la wagonjwa wa dharura 

Mafunzo hayo yametolewa na Madktari bingwa wa Mhe. Rais wa Jamhuri ya Muungano wa Tanzania ambao wameweka kambi katika hospitali hiyo kutoa Huduma za Kibingwa kwa wananchi

Akizungumza na waandishi wa Habari baada mafunzo hayo kaimu Mganga mfawidhi wa hospitali hiyo Dkt. Elizabeth Swai amesema mafunzo hayo ni kuwaongezea ujuzi wauguzi kwenye utendaji kazi wao

"Haya mafunzo ya kutumia vifaa hivi vya kisasa yatatuongeza ujuzi ili wagonjwa wetu wa dharura wapate Huduma vizuri hivyo tunawashukuru Sana"

Timu ya madaktari bingwa hao wataendelea kutoa Huduma za Kibingwa katika Hospitali hiyo kuanzia saa moja asubuhi hadi kumi na moja jioni na yatafungwa tarehe 28/06/2025