"SIMAMIENI MIRADI NA WASIKILIZENI WANANCHI " Mhe.Mbunge Esther Matiko.

Posted on: December 3rd, 2025

Mbunge wa Jimbo la Tarime Mjini Mhe.Esther Nicholas Matiko amewasihi madiwani baada ya kula kiapo kujikita zaidi katika utekelezaji wa miradi ya maendeleo na kuendelea kutatua changamoto za wananchi kwenye kata zao.

Ameyasema hayo kwenye Baraza maalumu la kuapisha madiwani wa Jimbo la Tarime Mjini uliofanyika katika Ukumbi wa Halmashauri ya Mji Tarime.

 "Tunahitaji kufanya kazi kwa ushirikiano, kusikiliza wananchi, kuweka kipaumbele kwenye miradi ya maendeleo na kuhamasisha wananchi kutoshiriki vitendo vya uvunjifu wa amani katika Mji wetu,” Amesema Mh. Matiko.

Aidha Mwenyekiti wa Halmashauiri ya Mji Tarime Mhe. Thobias Elias Ghati amewashukuru madiwani wote kwa kumpigia kura na amewaahidi kuwapa ushirikiano wa kutosha hasa katika usimamizi wa miradi.

"Ninatambua na kuthamini mchango wa madiwani katika kusimamia miradi ya maendeleo. ninawaahidi kutoa ushirikiano wa kutosha kwa madiwani wote ili kuhakikisha miradi inatekelezwa kwa ufanisi na kwa manufaa mapana ya wananchi.”

Kwa upande wake Mkurugenzi wa  Halmashauri ya Mji Tarime Bi.Gimbana Ntavyo amewapongeza madiwani wote walioapishwa leo na kuwahakikishia kuendelea kutoa ushirikiano.

"Tutaendelea kusimamia vizuri miradi mimi pamoja na wataalamu ili kuhakikisha tunakamilisha Miradi yote ya maendeleo iliyopo kwenye kata zetu".