TD GIMBANA AWAHIMIZA WAZAZI/WALEZI KUSHIRIKI KAMPENI YA AFYA NA LISHE KWA WATOTO"

Posted on: December 2nd, 2025

Mkurugenzi wa Halmashauri ya Mji Tarime Bi. Gimbana Ntavyo amewahimiza wazazi na walezi kuwapeleka watoto katika Vituo vya kutolea Huduma ya Afya kupata huduma ya matone Vitamin A, Dawa za minyoo na upimaji wa hali ya lishe kuanzia miezi 6 hadi miezi 59 kuanzia tarehe 01/12/2025 hadi tarehe 31/12/2025

Hayo ameyasema leo akiwa Ofisini kwake ambapo amewasisitiza kutumia fursa hiyo ili kuendelea kuimarisha Afya kwa watoto wao.  

"Ninawaomba wazazi na walezi wote kujitokeza kwa wingi katika vituo vyetu vya Afya ili kuboresha afya za watoto wetu afya njema inaanza na uchaguzi mzuri wa lishe kupitia elimu ya lishe itakayotolewa na wataalamu wetu tuunge mkono kampeni hii kwa vitendo".Amesema  Bi.Ntavyo.

 Aidha, amewataka watumishi wote wanaotoa huduma hiyo katika vituo vyote vya Afya kutoa ushirikiano na huduma bora ili zoezi liende vizuri.

"Mafanikio ya kampeni ya Afya na Lishe kwa watoto yanategemea umoja, kujitolea, na ushirikiano wa wahudumu wa afya kwa maslahi ya jamii fanyeni kazi kwa umoja ili kufanikisha kampeni hii” Amesema Bi,Ntavyo.

Kampeni hii hufanyika kila mwaka kuanzia tarehe 1 Mwezi 12 hadi tarehe 31 Mwezi 12 na mwaka huu imebeba kauli mbiu ya "mlinde mtoto wako leo, kwa Afya Bora Kesho".