MWENGE WA UHURU WALIDHISHWA NA MIRADI YA MAENDELEO TARIME MJI

Posted on: July 29th, 2024

Kiongozi wa mbio za Mwenge kitaifa ndugu Godfrey Mnzava ameipongeza Halmashauri ya Mji Tarime kwa utekeleza wa Miradi mbalimbali ya maendeleo katika Halmashauri hiyo jambo lililopelekea Mwenge wa Uhuru kuzindua na kuweka mawe ya msingi katika miradi hiyo

Pongezi hizo amezitoa baada ya kuhitimisha  kuzungukia miradi mbalimbali ya mwenge Julai 28 katika Halmashauri ya Mji Tarime na kusisitiza kuongeza kasi ya ujenzi katika miradi inayoendelea kujengwa

"Mwenge wa Uhuru Halmashauri ya Mji kiukweli mmeutendea haki Miradi yenu yote mizuri hongereni sana tumeona namna fedha za maendeleo mnavyo zitumia vizuri kwa maendeleo ya wananchi wa Wilaya Tarime

Aidha, Mnsava amewataka wananchi kuendelea kuilinda na kuitunza miradi hiyo ili iendelee kutoa huduma kwa kwa wananchi wote kwani imetumia gharama sana katika utekelezaji wake

Kwa upande wake Mkuu wa Wilaya ya Tarime Mhe. Kanali Maulid Hassan Surumbu amemhakikishia kiongozi wa mbio za mwenge kitaifa kuwa Miradi yote itaendelea kusimamiwa na kutunzwa vizuri pamoja na kuhakikisha inamalizika kwa muda uliopangwa

"Tunashukuru sana na tunakuahidi maelekezo yote uliyo yatoa tutayafanyia kazi kwa vitendo ili kuhakikisha miradi yote na inayotarajiwa kutekelezwa iwe bora na imalizike kwa haraka kwa ili ianze kutoa huduma kwa wananchi

Mwenge wa Uhuru Halmashauri ya Mji Tarime umekimbizwa KM 50.3 katika miradi ya maendeleo 8 ya maendeleo yenye jumla ya kiasi cha Tsh. 1,441,990,620.00