MADAKTARI BINGWA WA RAIS SAMIA KUANZA KUTOA HUDUMA TARIME MJI

Posted on: November 9th, 2024

Mkurugenzi wa Halmashauri ya Mji Tarime Bi Gimbana Ntavyo anawakaribisha wananchi wote kupata huduma toka kwa Madaktari bingwa wa Mhe Rais wa Jamhuri ya Muungano wa Tanzania Dkt. Samia Suluhu Hassan kuanzia tarehe 11/11/2024 hadi tarehe 17/11/2023 katika hospitali ya Mji Tarime (Bomani)

Akizungumza na waandishi wa Habari katika ofisi yake Bi Gimbana amewataka wananchi kutumia fursa hii kuja kupata huduma za kibingwa kwa gharama nafuu na kusisitiza bima za afya zitapokelewa

"Wananchi wote Mnakaribishwa sasa kuja kupata huduma za kibingwa katika Hosptali yetu ya Mji pale Bomani, njooni kwq wingi katika kipindi hicho ili muweze kuhudumia na gharama ni nafuu lakini bima za afya zitapokelewa hivyo" amesema Gimbana

Aidha, ameongezea kuwa huduma zitakazotolewa na madaktari hao ni pamoja na huduma za ngazi na usingizi, huduma za upasuaji, huduma za uzazi na mtoto, huduma za magonjwa ya ndani, na huduma za kinywa na meno

Kwa upande wake Mganga Mkuu wa Halmashauri ya Mji Tarime Dkt. Elias Makima amesema maandalizi kwa ajili ya utoaji wa hudma za kibingwa yamekamilika na kuwata wananchi kuudhuria kwa wingi kuja kupata huduma 

Zoezi hilo litakuwa linaanza kuanzia majira ya saa 2 kamili asubuhi hadi saa 10 kamili jioni katika Hosptali ya Halmashauri ya Mji Tarime ( Bomani)