KAMATI YA SIASA WILAYA TARIME YAKAGUA MIRADI H/MJI TARIME

Posted on: April 16th, 2024

Kamati ya siasa Wilaya ya Tarime imekagua miradi mbalimbali katika Halmashauri ya mji Tarime na kuipongeza Halmashauri hiyo kwakuendelea kusimamia vyema miradi hiyo na kuitaka kuendelea kushughulikia mapungufu kadhaa yanayokuwa yanajitokeza ili miradi iedelee kuwa bora huku ikiendelea kuwahudumia wananchi

Ukaguzi huo wa miradi umefanyika leo Aprili 16 ukiongozwa na Mwenyekiti wa kamati hiyo ambaye pia ni Mwenyekiti wa Chama Cha Mapinduzi (CCM) Wilaya ya Tarime Mhe. Marwa Daud Ngicho

“Nawapongeza sana kwakuendelea kusimamia vyema miradi hii, Mmezitendea haki fedha za Mhe Rais Samia Suluhu Hassan ombi langu na kamati ya siasa muendelee kutatua changamoto zilizopo kwenye baadhi  ya miradi ili miradi hii iendelee kuwa bora’’ amesema Ngicho

Kwa upande wake Mkuu wa Wilaya ya Tarime Mhe. Kanali Maulid Hassan Surumbu ameihakikishia kamati ya siasa kuwa Halmashauri ya mji Tarime itatekeleza kwa vitendo maelekezo yote waliyotoa wakati wa ukaguzi wa miradi hiyo

“Nikuhakikishie Mhe. Mwenyekiti kuwa maelekezo yako na kamati kwa ujumla yatatekelezwa kwa haraka sana ili miradi iendelee kuwa bora na kuendelea kuwahudumia wananchi wa Tarime” amesema Surumbu