DC GOWELE AWATAKA WAZEE WA KOO 12 TARIME KUPINGA VITENDO VYA UVUNJIFU WA AMANI

Posted on: November 14th, 2025

Mkuu wa Wilaya ya Tarime Mhe. Meja Edward Gowele amewataka wazee wa koo 12 za Wakurya Wilaya ya Tarime kuendelea kushirikiana na Serikali kupinga na kukata vitendo vyote vya uvunjifu wa amani katika Wilaya hiyo

Hayo ameyasema Leo wakati wa kikao na wazee hao kilichofanyika Mtaa wa Magena shule kata ya Nkende Halmashauri ya Mji Tarime huku akisisitiza utoaji wa Taarifa pale wanapoona kuna viashiria vya uvunjifu wa amani 

"Nawashukuru Sana kwakuendelea kuwa bega kwa bega na Serikali kukataa watu ambao nia yao ni kuvunja amani ya inchi yetu endeleeni kukemea katika koo zenu ili tuwathibiti vijana wanaoleta Fujo" amesema Gowele

Aidha, amewahakikishia wananchi wa Wilaya hiyo kutokuwa na wasiwasi na kuendelea kufanya shughuli zao za kila siku kwani Tarime ina amani na vyombo vya usalama vimejipanga vizuri kuhakikisha hakuna vurugu itakayotokea 

Kwa upande wake Mwenyekiti wa wazee wa koo 12 Tarime Bw. Mwikwabe Makabe amesema wataendelea kusimama na Serikali kwakutoa elimu na kuonya jamii juu uvunjifu wa amani ambao unaweza kutokea

"Sisi wazee tumekusikia hapa tutaanza vikaoo kwenye kila koo tutapita na tutaonya Vijana ili amani yetu iendelee maana bila amani sisi wazee pia tutapata shida hivyo tutashirikiana Sana kwa ajili ya hili" amesema Mwikwabe