WAJUMBE WA KAMATI YA BAJETI TARIME MJI WAPIGWA MSASA

Posted on: November 13th, 2025

Halmashauri ya Mji wa Tarime leo imeendesha mafunzo maalumu ya maandalizi ya bajeti kwa mwaka wa fedha 2026/2027, yakilenga kuwajengea uwezo wajumbe wa kamati ya bajeti na watumishi juu ya namna ya uandaaji wa bajeti.

Mafunzo hayo yamefanyika leo katika ukumbi wa Halmashauri ya Mji Tarime 

Akizungumza wakati wa mafunzo hayo Mkuu wa divisheni ya mipango na uratibu ndugu Victor Magafu amewataka Maafisa bajeti hao kuhakikisha wanayatumia mafunzo hayo vizuri katika uandaaji wa bajeti

"Bajeti bora huanzia kwenye maandalizi mazuri, lengo letu ni kuhakikisha Maafisa bajeti na kila idara inapata uelewa wa kutosha wa namna ya kuandaa bajeti" Amesema Magafu.

Aidha, washiriki wa mafunzo hayo wamepongeza hatua hiyo ya Halmashauri, wakisema imewajengea uwezo wa kitaalamu na kuwapa uelewa wa kutumia mfumo wa PlanRep katika uandaaji wa bajeti.

Mafunzo hayo yametolewa kwa ushirikiano kati ya Halmashauri na Ofisi ya Rais – Tawala za Mikoa na Serikali za Mitaa (TAMISEMI), yakiwa sehemu ya maandalizi ya mpango wa bajeti kwa mwaka wa fedha 2026/2027.