BARAZA LA MADIWANI TARIME MJI LAIPONGEZA SERIKALI

Posted on: November 8th, 2024

Mwenyekiti wa Halmashauri ya Mji Tarime Mhe. Daniel Komote amemshukuru Rais wa Jamhuri ya Muungano wa Tanzania Mhe. Dkt Samia Suluhu Hassan kwakuendelea kutoa fedha za utekelezaji wa Miradi mbalimbali katika Halmashauri hiyo

Pongezi hizo amezitoa leo wakati wa kuhitimisha Baraza la madiwani kwa robo ya kwanza mwaka 2024/2025 lililofanyika katika ukumbi wa Halmashauri hiyo huku akiwataka watalaamu kuendelea kusimamia miradi hiyo kikamlifu

"kipekee nimshukuru Mhe. Rais kwakuendelea kuipa fedha nyingi Tarime Mji za kutekeleza miradi mbalimbali ya maendeleo kwenye sasa ni wajibu wetu kuhakikisha fedha hizo zinatumika kama ilivyokusudiwa ili wananchi wapate huduma" amesema Komote

kwa Upande wake Mkurugenzi wa Halmashauri hiyo Bi Gimbana Ntavyo amewashukuru madiwani wa Halmashauri hiyo kwakuendelea kutoa ushirikiano hasa katika utekelezaji wa Miradi kwenye Kata zote nane za Halmashauri hiyo

"Kama ambavyo tumekuwa tukishirikiana katika robo za nyuma, tutaendelea kushirikiana kwenye miradi yote ambayo tunaitekeleza kwa mapato ya ndani na Fedha toka Serikali kuu" amesema Gimbani