BARAZA LA MADIWANI TARIME MJI LAIPONGEZA SERIKALI

Posted on: August 14th, 2024

Mwenyekiti wa Halmashauri ya Mji Tarime Mhe. Daniel Komote kwa niaba ya Madiwani wote katika Halmashauri hiyo wamempongeza Raisi wa Jamhuri  ya Muungano wa Tanzania Mhe. Dkt Samia Suluhu Hassan kwakuendelea kuleta fedha kwaajili ya kutekeleza ujenzi wa miradi mbalimbali katika Halmashauri hiyo

Pongezi hizo amezitoa leo Agosti 14 wakati wa kuihitimisha Baraza la madiwani kwa robo ya nne mwaka 2023/2024 mkutano uliofanyikia katika ukumbi wa Halmashauri ya Mji Tarime na kuahidi kuendelea kuisimamia miradi hiyo

"Tunakushukuru sana Mhe. Rais unazidi kutupa fedha nyingi za Miradi mbalimbali ya Maendeleo hasa kwa mwaka 2023/2024 sisi madiwani tutaendelea kuisimamia Halmashauri katika utekelzaji wa Miradi yote inayoendelea na inayokuja" amesema Komote

Aidha, Komote amewataka wananchi kutokuvamia maeneo ya serikali ili iweze kujenga miradi katika maeneo hayo kwa Haraka kwani kumekuwa na kesi nyingi za wananchi kutumia maeneo ya wazi amabayo yametengwa kwa matumizi ya umma

Baraza hilo lilihitimishwa kwakuchagua wajumbe wa kamati mbalimbali pamoja na uchaguzi wa Makamu mwenyekiti wa Halmashauri ambaye ni Diwani wa Kata ya Nyamisangura Mhe. Thobias Elias Ghati kwa mwaka 2024/2025