RAS MSALIKA AIPONGEZA DIVISHENI YA AFYA TARIME MJI

Posted on: December 15th, 2023

Katibu tawala wa mkoa wa Mara Mhe. Msalika Robert Makungu amewapongeza watumishi wa divisheni ya afya, lishe na ustawi wa jamii katika Halmashauri ya mji Tarime kwa utoaji mzuri wa huduma kwa wananchi

Pongezi hizo amezitoa jana kwenye kikao na watumishi hao katika ukumbi wa Halmashauri na kuwasisitiza kuendelea kuihudumia jamii yote pasipo ubaguzi

"Kipekee ninawapongeza sana kwa namna mnavyojituma, tunajua changamoto zenu tutahakikisha tunazishughulikia ila endelee hivyo hivyo kuwa hudumia wananchi kwa moyo" amesema Makungu

kwa upande wake mkurugenzi wa Halmashauri ya mji Tarime ndugu Gimbana Ntavyo amemshukuru katibu tawala na kuahidi kuendelea kuboresha miundombinu ya sekta ya afya katika Halmashauri ya mji

"Tunashukuru kwa ujio wako na timu yako na tunasema asante kwa pongezi kipekee niseme tutayafanyia kazi yote mliyotuelekeza na tutaendelea kuboresha miundombinu ya sekta ya afya katika Halmashauri yetu" amesema Gimbana