MIL 450 ZATOLEWA KWA MIKOPO YA VIJANA, WANAWAKE NA WALEMAVU TARIME MJI

Posted on: December 20th, 2024

Mkuu wa Wilaya ya Tarime Mhe. Meja Edward Flowin Gowele amekabidhi hundi ya jumla ya Kiasi cha Tsh. 450,000,000 ikiwa ni mkopomkwa makundi ya wanawake, vijana na watu wenye ulemavu katika Halmashauri ya Mji Tarime 

Zoezi hilo limefanyika leo katika ukumbi wa Halmashauri ya Mji Tarime huku akivisisitizxa vikundi hivyo kuhakikisha wanarejesha mikopo hiyo kama walivyokubaliana ili waendelee kuwa na sifa chanya ya kupatiwa mikopo kipindi kingine

"Mhe Rais wa Jamhuri ya Muungano wa Tanzania Dkt. Samia Suluhu Hassan ametoa fedha hizi tena kwaajili ya kuendeleza maendeleo katika biashara zenu hivyo tuwe waaminifu katika kuzirudisha ili muendelee kupata sifa za kupewa mikopo wakati mwingine" Amesema Gowele

Kwa upande wake Mkurugenzi wa Halmashauri ya Mji Tarime Ndg. Gimbana Emmanuel Ntavyo amewasisitiza wanavikundi hao kuhakikisha wanakumbushana marejesho ya kila mwezi ili kuondoa usumbufu wa ufuatiliaji na hatimaye kuchukuliwa hatua

"kila mmoja awe na jukumu la kukumbushia marejesho ya kila mwezi ili kuondoa usumbufu wa ufuatliaji ina ili litaendelea kuwapa sifa za kupewa mkopo mwingine kipindi kingine" amesema Gimbana

Jumla ya shilingi Milioni 450 zimetolewa kwa vikundi 32 ambapo vijana ni vikundi 10, wanawake ni vikundi 13 na watu wenye ulemavu vikundi 9