WAZEE WA MILA TARIME WAKABIDHIWA MIZINGA YA NYUKI

Posted on: July 28th, 2025

Wazee wa mila toka koo 12 na Wazee wa baraza katika Wilaya ya Tarime wamekabidhiwa mizinga ya nyuki 143 kwaajili ya kuanzisha mradi wa ufugaji wa nyuki katika mistu iliyopo kwenye koo hizo

Wakikabidhi mizinga hiyo Mkuu wa Mkoa wa Mara Mhe. Evans Alfred Mtambi pamoja na Mkuu wa Wilaya ya Tarime Mhe. Meja Edward Flowin Gowele wamewataka wazee hao kuhakikisha wanatumia mizinga hiyo kama ilivyokusudiwa ili kujikwamua kiuchumi

"Serikali inaendelea kutengeneza mazingira rafiki kwa wazee kwani ninyi ni watu muhimu sana kwenye jamii yetu hivyo hii ni hatua nzuri tuna imani mizinga hii mtakayo pewa mtaitumia vyema na itasaidia katika kuhifadhi misitu yetu" amesema Mtambi

kwa upande wake Mkuu wa Wilaya ya Tarime amewahakikishioa wazee hao kuendelea kuwatafutia miradi mbalimbali ili waweze kuimarika kiuchumi kwani wanamsaada mkubwa katika kuhakikisha Tarime inakuwa ya amani na utulivu muda wote

"Tutaendelea kuwatafutia miradi mbalimbali lengo letu muwe vizuri kifedha na hii itasaidia kutatua changamoto mbalimbali za jamii na Wilaya yetu kwa ujumla" amesema Gowele

kwa upande wao Wazee wa Mila na wazee wa Baraza wameishukuru Serikali kwakuwajali na kuahidi kuendelea kutoa ushirikiano pale watakapohitajika

Jumla ya mizinga 143 imekabidhiwa kwa Wazee wa Mila kwenye koo 12 na wazee wa Baraza yenye jumla ya Kiasi cha TZS. Milioni 9.5