MKUU WA WILAYA TARIME AONGOZA ZOEZI LA USAFI SOKO LA REBU

Posted on: April 25th, 2024

Kuelekea maadhimisho ya mika 60 ya Muungano wa Tanganyika na Zanzibar Mkuu wa Wilaya ya Tarime Mhe. kanali Hassan Maulid Surumbu amewaongoza wananchi na viongozi mbalimbali wa Wilaya hiyo kufanya usafi katika soko la Rebu lililopo kata ya Turwa Halmashauri ya Mji Tarime

Zoezi hilo limefanyika leo Aprili 25 majira ya mbili asubuhi na baadae Mhe. Surumbu alipata nafasi ya kuwasalimia wafanya biasahara wa soko hilo na kusikiliza kero zao na kuwaahidi kuzishughulikia kero hizo kwa wakati 

"Nimepokea changamoto zenu nawaahidi nitazifanyia kazi kwa haraka ili muendelee kufanya biashara katika mazingira rafiki na mazuri ili muendelee kulipa kodi kwaajili ya maendeleo ya Wilaya yetu na Taifa kwa Ujumla" amesema Surumbu

Aidha, Mhe. Surumbu alitumia nafasi hiyo pia kuwaalika wananchi kwenye mkesha wa Muungano utakaofanyika katika viwanja vya Serengeti ( Shamba la bibi ) kuanzia majira ya saa 12 jioni