MADIWANI TARIME MJI WAMONGEZA RAIS SAMIA

Posted on: May 30th, 2025

Mwenyekiti wa Halmashauri ya Mji Tarime Mhe. Daniel Komote @danielkomote kwa niaba ya Madiwani wa Halmashauri hiyo amempongeza Rais wa Jamhuri ya Muungano wa Tanzania Mhe Dkt Samia Suluhu kwa utoaji waa fedha za miradi mbalimbali kwenye kila kata

Pongezi hizo amezitoa leo wakati wa kuhitimisha mkutano wa Baraza la madiwani kla robo ya tatu 2024/2025 uliofanyika leo katika ukumbi wa Halmshauri ya Mji Tarime 

"Kiukweli Tunamshukuru sana Mhe Rais kwa kipindi chake cha miaka 4 ametuletea fedha nyingi sana za maendeleo kwenye kila Kata katika Halmashauri yetu sisi Madiwani tutaendelea kusimamia fedha hizo ili thamani yake ionekane kwenye miradi" amesema Komote

Aidha, amewashukuru wananchi na wafanyabiashara katika Halmashauri hiyo kwakuendelea kuwa wazalendo kwenye ulipaji wa kodi mbalimbali jambo lililopelekea ujengwaji wa miradi mbalimbali kupitia mapato ya ndani

Kwa upande wake kaimu Mkurugenzi mtendaji wa Halmashauri ya Mji Tarime Bw. Erasto Mbunga amewaahidi Madiwani kuendelea kushirikiana nao ili kuleta maendeleo katika Halmashauri hiyo