KATIBU TAWALA WILAYA TARIME AWAONGOZA WANANCHI TARIME MJI KUPANDA MITI SIKU YA UHURU

Posted on: December 9th, 2024

Katibu Tawala wa Wilaya ya Tarime Mwl Saul Mwaisenye amewaonjoza wananchi wa Halmashauri ya Mji Tarime kupanda miti ya matunda mbalimbali katika shule ya sekondari Gicheri ikiwa ni sehemu ya kuadhimisha kumbukumbu ya siku ya uhuru wa Tanzania Bara

Zoezi hilo limefanyika katika shule ya Sekondari Gicheri iliyopo kata ya Nkende Halmashauri ya Mji Tarime na kuwataka wananchi na wanafunzi kuhakikisha wanailinda miti kwani ni sehemu ya kumbukumbu muhimu 

"Zoezi letu leo ni muhimu kwenye kumbukumbu ya miaka 63 ya Uhuru wa Tanzania Bara niwaombe viongozi, wanafunzi na wananchi kuhakikisha mnailinda miti hii ili iweze kuwa na manufaa kwa wanafunzi wa shule hii"

Aidha, amewataka wananchi kuendelea kutunza na kudumisha amani iliyopo kwani ndio tunu ya Taifa hili 

Miaka 63 ya Uhuru wa Tanzania Bara imebebwa na kauli mbiu ya "Uongozi madhubuti na ushirikishwaji wa wananchi ni msingi wa maendeleo yetu"