KAMPENI YA MWEZI WA AFYA NA LISHE YA MTOTO YAANZA RASMI LEO

Posted on: June 2nd, 2025

Afisa Lishe Halmashauri ya Mji Tarime kwa niaba ya Mkurugenzi wa Halmashauri ya Mji Tarime Bi Gimbana Ntavyo anawakaribisha wazazi na walezi kwenye kampeni ya mwezi wa afya na lishe ya mtoto kuanzia miezi 6 hadi miaka 5

Akizungumza na waandishi wa Habari afisa Lishe amesema kampeni hiyo itajikita kwenye utoaji wa huduma ya matone ya Vitamini A, dawa za minyoo na upimaji wa hali ya lishe

"Niwakaribishe wananchi wote walete watoto wao kwenye kampeni hii lengo letu ni kujua hali ya lishe kwa watoto hao, hivyo wazazi mfike kwenye vituo na huduma hii ni bure" amesema Eva

Aidha amewasisitiza wazazi kutumia fursa hii ili watoto wapate pia matone ya Vitamini A na dawa za minyoo ambazo zitatolewa bure kwenye vituo vyote vya afya Halmashauri ya Mji Tarime

Kampeni hiyo imeanza tarehe 01/06/2025 na itahitimishwa tarehe 30/06/2025