INEC YAIMIZA WANANCHI TARIME MJINI KUJITOKEZA KUPIGA KURA

Posted on: October 24th, 2025

Msimamizi wa uchaguzi Jimbop la Tarime Mjini Bw. Erasto Mbunga amewatoa hofu wananchi wa Tarime Mjini na kuwataka kujitokeza kwa wingi siku ya kupiga ili kuwachagua viongozi wanaowataka

Hayo ameyasema wakati wa mkutano na waandishi wa habari ofisini kwake akiwa anatoa tangazo la uchaguzi huku akibainisha Tume Uhuru ya Uchaguzi imejipanga vyema kuwahudumia wananchi siku hiyo

"Kila kitu kiko sawa sisi kama Tume tunashirikiana na vyombi vya ulinzi na usalama kuhakikisha wananchi wote siku hiyo mko salama hivyo mjitokeze kwa wingi kwani ni siku muhimu sana" amesema Mbunga

Aidha, amewataka wananchi amabo wamepoteza kadi zao za kupigia kura kufika kituo alichojiandikisha akiwa na kitambulisho cha NIDA, pasi ya kusafiria au leseni ya udereva atapata muongozo na kuruhusiwa kupiga kura

Uchaguzi Mkuu mwaka 2025 utafanyika siku ya jumatano tarehe 29/10/2025 na vituo vitafunguliwa kuanzia majira ya saa moja asubuhi hadi saa kumi kamili jioni na umebeba kauli mbiu ya "Kura yako Haki yako Jitokeze Kupiga Kura"