DCC TARIME YATOA MAONI KUHUSU DIRA YA TAIFA YA MAENDELEO 2025 - 2050

Posted on: August 9th, 2024

Mkuu wa Wilaya ya Tarime Mhe. Kanali Maulid Hassan Surumbu amewaongoza wajumbe na waalikwa kwenye kikao cha kamati ya Ushauri ya Wilaya Ya Tarime kutoa maoni juu ya Dira ya Taifa ya maendeleo ya mwaka 2025 - 2050 

Kikao hicho kimefanyika leo Agosti 9 kwenye ukumbi wa Halmashauri ya Mji Tarime ambapo kimehusicha Halmashauri ya Mji Tarime na Halmashauri ya Wilaya ya Tarime pamoja na Taasisi zote za serikali, vyama vya siasa na wadau wa maendeleo

"Niwashukuru wajumbe wote mliopata nafasi ya kutoa maoni kuhusu Dira ya Taifa ya Maendeleo kiukweli tumepatra mawazo mapya na chanya kwaajili ya maendeleo ya taifa leo niwahakikishie tutayafanyia kazi yote mliotushauri kwaajili ya ujenzi wa Taifa letu" amesema Surumbu

Kwa Upande wao wajumbe wa kikao hicho wameishukuru serikali kwakuweza kutambua michango yao katika kutengeneza Dira ya maendeleo kwa mwaka 2025 hadi 2050 na kuahidi kuendelea kutoa maoni yao kupitia tovuti na simu

Dira ya Taifa ya maendeleo ya mwaka 2025 - 2050 ina lengo la kuchochea kasi  ya ukuaji wa uchumi jumuishi unaopunguza umasikini, unaozalisha ajira na ajira na kuchochea mauzi ya bidhaa zinazozalishwa nchini na kuuzwa nje ya nchi

Maoni ya Dira ya Taifa ya maendeleo kwa mwaka 2025 yanatolewa pia kupitia tovuti ya https://dira2050portal.planning.go.tz au kwa njia ya simu ya mkononi kwa kupiga namba *152*00# na kuchagua namba 8 - Elimu kisha kuchagua namba 4 - Dira 2050