DC GOWELE KUKABIDHI HUNDI YA TSH. 450,000,000 MKOPO KWA VIKUNDI VYA VIJANA, WANAWAKE NA WALEMAVU

Posted on: December 19th, 2024

Mkuu wa Wilaya ya Tarime Mhe. Meja Edward Flowin Gowele anatarajia kukabidhi hundi ya mikopo ya jumla ya Tsh. 450,000,000 kwa makundi ya Vijana, wanawake na watu wenye ulemavu katika Halmashauri ya Mji Tarime 

Makabidhiano hayo yatafanyika siku ya ijumaa tarehe 20/12/2024 kuanzia majira ya saa nne kamili asubuhi katika ukumbi wa Halmashauri ya Mji Tarime ambapo jumla ya vikundi 32 vitapatiwa mkopo huo kutoka Halmashauri ya Mji Tarime ikiwa awamu ya kwanza ya utoaji wa mkopo

Akizungumza na waandishi wa Habari Afisa maendeleo ya jamii katika Halmashauri ya Mji Tarime ndungu Vitus Gwanko amesema utoaji wa mikopo hiyo utaanza mara moja mara baada ya Mkuu wa Wilaya kukabidhi hundi hiyo

"Kesho zoezi la kukabidhiwa hundi ya mikopo kwa makundi ya vijana, wanawake na walemavu litafanyika baada ya kukamilisha hatua zote za kupata vikundi hivyo kwa awamu ya kwanza" amesema Gwanko

Jumla ya vikundi 32 vitapewa mkopo awamu ya kwanza vikundi vya vijana ni 10, vikundi vya wanawake ni 13 na vikundi vya watu wenye ulemavu ni 9