DC GOWELE ALIDHISHWA NA MIRADI YA MAENDELEO KATA YA NYAMISANGURA TARIME MJI

Posted on: March 28th, 2025

Mkuu wa Wilaya ya Tarime Mhe. Meja Edward Flowin Gowele amewaridhishwa na maendeleo ya miradi ya maendeleo mbalimbali iliyopo katika kata ya Nyamisangura Halmashauri ya Mji Tarime

Hayo ameyasema kwenye mkutano na wananchi wa kata hiyo baada ya kumalizika kwa ziara yake fupi na kuwataka wananchi wa Kata hiyo kuendelea kuitunza miradi hiyo ili iweze kuwanufaisha wananchi wengi

"Miradi yetu inaendelea vizuri tunamshukuru sana Mhe. Rais kwakuendelea kutupa fedha za maendeleo nimekagua na nimewaelekeza watumishi washughulikie changamoto zilizopo kwenye hiyo miradi na sisi wananchi tushirikiane kuitunza kwani inatusaidia sisi wenyewe" amesema Gowele

Kwa upande wake Diwani wa Kata hiyo Mhe. Thobias Ghati amemshukuru Mkuu wa Wilaya kuitembelea Kata hiyo na kuahidi kuyafanyia kazi maelekezo yote aliyotoa wakati akizungukia Miradi hiyo

"Mimi niseme Mhe. Asante kwakuja kuwaona wananyamisangura asante pia kwakusikiliza Kero zao nitahakikisha uliyoelekeza yanafanyiwa kazi ili Mji wetu uendelee kupendeza kwa miradi mbalimbali ya maendeleo" amesema Thobias

Mkuu wa Wilaya alitembelea shule ya Msingi ya mahitaji maalumu ya Magufuli, Ujenzi wa madarasa shule ya msingi Turwa, zahanati ya Kata ya Nyamisangura, Daraja la mtaa Bugosi na kumalizia ziara yake kwakusikiliza kero za wananchi wa kata hiyo