WAZAZI NA WALEZI WATAKIWA KUHESHIMU HAKI ZA WATOTO

Posted on: June 16th, 2025

Mkuu wa idara ya Maendeleo ya jamii katika Halmashauri ya Mji Tarime Bw. Vitus Gwanko amewasisitiza wazazi na walezi kuendelea kuheshimu na kusimamia haki za watoto kwani ni takwa la kisheria 

Hayo ameyasema Leo wakati wa maadhimisho ya siku ya mtoto wa Afrika ambayo yamefanyika leo katika shule ya sekondari Turwa Halmashauri ya Mji Tarime huku akisisitiza swala la ukatili kwa watoto 

"Leo tunakumbuka watoto huko Afrika kusini walikuwa wanadai haki zao sasa wazazi tusisubiri watoto wadai tuwe mstari wa mbele kuwapa haki zao hii inasaidia Sana katika ustawinwa ukuaji wao"

Aidha amewataka kuendelea kupinga vita ukatili wa kijinsia kwa watoto na kushirikiana na Serikali kutoa taarifa kwa vitendo vyovyote vya ukatili ili hatua zichukuliwe

Kwa upande wao wazazi walizjitokeza hapo wameiomba Serikali kuendelea kutoa elimu kwani wazazi wengi bado wanaongozwa na Mila potofu zinazowakandamiza watoto wao

Maadhimisho haya hufanyika kila mwaka tarehe 16 mwezi wa 6 na mwaka huu yamebeba kauli mbiu ya "haki za mtoto: tulipotoka, tulipo na tuendako"