WANANCHI WAJITOKEZA KUPATA HUDUMA TOKA KWA MADAKTARI BINGWA WA SAMIA

Posted on: November 11th, 2024

Madaktari bingwa wa Rais Samia Suluhu Hassan leo wameanza kazi rasmi ya kutoa huduma mbalimbali za kibingwa kwa wananchi wa Halmashauri ya Mji Tarime katika Hopstali ya Halmashauri hiyo iliyopo kata ya Bomani

Akizungumza na waandishi waandishi wa Habari Mganga Mfawidhi wa Hosptali hiyo Yonam Charles amesema amewataka wananchi kuendelea kujitokeza kwa wingi kwa siku ambazo huduma zitatolewa kwani ni haraka n ani bei nafuu

“Tumeanza leo kama unavyoona wananchi ni wengi kikubwa waendelee kujitokeza kwa kipindi chote ambao hawa madaktari watakuepo ili waweze kupata huduma za kibingwa tumeweka utaratibu mzuri na watu wanahudumiwa kwa wakati” Amesema Yonam

Kwa upande wao wananchi walioudhuria katika hosptali wamemshukuru Rais wa Jamhuri ya Muungano wa Tanzania Mhe. Dkt Samia Suluhu Hassan kwakuwarejesha tena Madaktri hao kwani uhitaji ulikuwa mkubwa

“Sisi tunasema Asante kwa Rais wetu kutuletea Madktari hawa, wanatusaidia kwa gharama nafuu kabisa hivyo wakimaliza tunaomba tena warejee maana ugonjwa hauna hod” amesema Ginabi Marwa mmoja wa wananchi

Huduma  zinaendelea kuanzia leo tarehe 11/11/2024 hadi tarehe 17/11/2024 kuanzia saa 2 kamili asubuhi hadi saa 10 kamili jioni na huduma za kibingwa zinazotolewa ni pamoja na huduma ya mama na mtoto, Upasuaji, Kinywa na meno, magonjwa ya ndani na Usingizi na Ganzi