WAENDESHA BVR KIT NA WAANDISHI WASAIDIZI TARIME MJI WALA KIAPO NA KUPATIWA SEMINA

Posted on: April 29th, 2025

Afisa mwandishikishaji wa Halmashauri ya Mji Tarime Bw. Joseph Haymu amewataka Maafisa waandikishaji wasaidizi na Waendesha BVR KIT kwaajili ya uboreshaji wa daftari la kudumu la wapiga kura awamu ya pili kuhakikisha wanafanya kazi kulinga na kiapo walichoapa

Hayo ameyasema leo wakati wa kuwaapisha maafisa hao katika ukumbi wa Halmshauri ya Mji na kuwasisitiza kuhakikisha wanafuata sheria na taratibu ili zoezi hilo lifanikiwe

"Tunahitaji mfanye kazi kwakuzingatiwa uzalendo kwani zoezi hili ndilo mwanzo wa maandalizi ya kupata viongozi wa taifa hili, hivyo fuateni utaribu ili kazi hii ikamilike vizuri" amesema Joseph

Kwa upande wao maafisa hao wameishukuru tume kwakuwaamini kufanya kazi hiyo na kuahidi kufuata maelekezo yote waliopta kwenye mafunzo hayo 

Zoezi la uboreshaji wa daftari la kudumu la wapiga kura awamu ya pili litaanza tarehe 01/05/2025 hadi tarehe 07/05/2025 kwa kila kata na vituo vitafunguliwa kuanzia saa 2 kamili asubuhi hadi saa 12 jioni