WADAU TARIME MJI WAPEWA ELIMU YA MPANGO KABAMBE WA UBORESHAJI WA MJI

Posted on: September 27th, 2025

Idara ya Maendeleo ya Ardhi Halmashauri ya Mji Tarime imetoa elimu ya Mpango kabambe wenye dira ya uendelezaji Mji kiuchumi, kijamii na kimazingira kwa Taasisi za Serikali, Taasisi zisizo za Serikali, watendaji wa Kata na Mitaa pamoja na Wenyeviti wa mitaa yote

Elimu hiyo imetolewa Leo katika ukumbi wa Halmashauri ya Mji Tarime  lengo ikiwa ni kuwajengea uwezo na kupokea maoni toka kwa Wadau hao ya namna ya mpango huo utakavyo anza kutekelezwa katika Halmashauri hiyo

Akizungumzia wakati wa kuhitimishwa kwa seminanhiyo Afisa Mipango Mji Mwandamizi Halmashauri ya Mji Tarime Bi. Rhoida Nyondo amewaomba wadau mbalimbali katika Halmashauri hiyo kuendelea kushirikiana na Serikali ili mpango huo uweze kufanikiwa

"Mpango huu lengo ni kufanya Mji wetu upendeze uwe na mpangilio mzuri kwa kila kitu hivyo nyinyi ni watu muhimu kusaidiana na Serikali ili tufanikiwe katika Hilo" amesema Rhoida

Mpango huu utatekelezwa ujenzi wa barabara za lami katika ya Mji, Stendi kuu na nk. na utatekelezwa kupitia Mradi wa uboreshaji miundombinu ya Miji Tanzania (TACTIC)