WAANDIKISHAJI WASAIDIZI NGAZI YA KATA JIMBO LA TARIME MJINI WAAPISHWA

Posted on: August 29th, 2024

Maafisa waandikishaji wasaidizi ngazi ya kata katika jimbo la Tarime Mjini wameapishwa leo Agosti 29, 2024 kwaajili ya kuanza zoezi la uboreshaji wa daftari la kudumu la wapiga kura katika jimbo hilo

Akizungumza baada ya uapisho huo Msimamizi wa uchaguzi katika jimbo la Tarime mjini bwana Joseph Haymu amewataka maafisa waandikishaji ngazi ya Kata kuhakikisha wanafata sheria na utaratibu katika zoezi hilo hili likamilike kwa wakati

“leo mmekula kiapo ni vyema tukaishi kwenye viapo vyetu ili zoezi hili lifanyike na kukamilika kama ambavyo imekusudiwa na Tume Huru ya Taifa ya Uchaguzi” amesema Haymu

Zoezi la uboreshaji wa daftari la kudumu la wapiga kura litaanza rasmi tarehe 04/09/2024 hadi 10/09/2024 katika jimbo la Tarime Mjini likiwa na kauli mbiu isemayo "Kujiandikisha kuwa mpiga Kura ni Msingi wa Uchaguzi Bora"