VYAMA VYA SIASA TARIME MJI WAPIGWA MSASA SHERIA ZINAZOSIMAMIWA NA OFISI YA MSAJILI WA VYAMA VYA SIASA KATIKA UCHAGUZI WA SERIKALI ZA MITAA

Posted on: October 23rd, 2024

Ofisi ya Msajili wa Vyama Vya Siasa leo imevikumbusha vyama vya Siasa vinavyoshiriki uchaguzi wa Serikali za Mitaa mwaka 2024 katika Halmashauri ya Mji Tarime kuendelea kufuata sheria zinazosimamiwa na ofisi hiyo hasa katika kipindi hiki cha Uchaguzi wa Serikali za Mitaa

Akizungumza na vyama hivyo katika ukumbi wa Halmashauri ya Mji Tarime Afisa toka Ofisi ya Msajili wa vyama vya Siasa Ndg. Shangilio Laxckdon Mbossa amewasihi kuhakikisha wanazisoma na kuzifuata sheria zote zinazohusiana na uchaguzi wa Serikali za Mitaa ili uchaguzi umalizike kwa amani

"Tunaendelea kuwakumbusha kufuata sheria kama zilivyo ili tuwe na uchaguzi mzuri, tuwaelimishe pia wananchama wetu ili nao wawe na uelewa wa pamoja katika hizi sheria ili litatufanya kusiwe na changamoto nyingi katika kutekeleza shughuli zenu" amesema Shangilio

Aidha, amewataka kutoa taarifa endapo kutaonekana kuna changamoto kwa baadhi ya vyama ili mamlaka iweze kuchukua hatua 

Kwa upande wao viongozi wa Vyama hivyo wameahidi kuendelea kutoa ushirikiano na kufuata Taratibu na kanuni hasa katika kipindi hiuki cha Uchaguzi wa Serikali za mitaa unaotarajia kufanyika Novemba 27, 2024