TUNAMSHUKURU RAIS SAMIA - WANANCHI TARIME MJI

Posted on: October 18th, 2025

Wananchi wa Halmashuri ya Mji Tarime leo wamewashukuru madaktari bingwa wa Raisi, Daktari Samia Suluhu Hassan ambao wameweka kambi katika hospitali ya mji Tarime kwa muda wa siku tano kuanzia Tarehe 13 Oktoba 2025 hadi leo tarehe 17 October 2025.

Akizungumza na waandishi wa habari Mgonjwa aliefanyiwa upasuaji amewashukuru madaktari kwa huduma nzuri za kiafya lakini pia ananamuomba Raisi, Dkt. Samia Suluhu Hassan huduma hizi ziwe endelevu na wataalamu wa ndani waweze kujifunza na kuboresha uwezo wao.

"Huduma hizi mara nyingi zinahitaji utaalamu maalum na mara nyingi huwa zinapatikana kwenye miji mikuu au hospitali za rufaa hivyo uwepo wa madaktari bingwa katika miji midogo inasaidia kupunguza gharama za usafiri na kuondoa vikwazo kwa wagonjwa ambao hawawezi kuhimili umbali mrefu" Amesema mmoja wa wagonjwa.

Aidha kiongozi wa madaktari hao Dkt. Prosper Augustine Kilemwa Daktari bingwa wa usingizi tiba na ganzi salama amewashukuru wananchi kwa kuchangamkia fursa ya ujio wao hospitalini hapo.

''Tunashukuru wananchi wa mji Tarime wamejitokeza kwa wingi na tumeweza kutoa huduma kwa waledi mkubwa kama inavyopaswa'' Amesema Dkt Kilemwa.

Madkari hao bingwa wa Mhe. Rais Samia walipokelewa toka Jumatatu tarehe 13/10/2025 na na wanahitimisha huduma za matibabu ya kiafya leo tarehe 17/10/2025 wakitoa huduma kwa watoto, wanawake, wanaume, magonjwa ya upasuaji, magonjwa ya ndani, ganzi na usingizi.