TARIME MJI MWENYEJI MASHINDANO YA UMITASHUMTA MKOA MARA 2025

Posted on: April 9th, 2025

Mkuu wa Wilaya ya Tarime Mhe. Meja Edward Flowin Gowele kwa niaba ya Mkuu wa Mkoa wa Mara Mhe. Kanali Evans Alfred Mtambi amefungua rasmi mashindano ya Michezo na Taaluma Shule za Msingi Tanzania (UMITASHUMTA) kwa mkoa wa Mara ambayo yatafanyikia katika Halmashauri ya Mji Tarime

Akizungumza wakati wa ufunguzi huo kwenye viwanja vya shule ya Sekondari Tarime amesema mashindano hayo yatakuwa chachu ya kukuza vipaji vya wanafunzi wa shule za Misingi mbalimbali

''Tuyatumie Mashindano haya kupata timu itakayowakilisha mkoa kitaifa ni vyema wasimamizi mufuate sheria na utaratibu kwani kupitia mashindano haya pia tunakuza vipaji vya michezo kwa watoto na hii ni ajira kwa sasa" Amesema Gowele

Aidha amewahakikishia usalama kwa kipindi chote watakachokuwa katika mashindano hayo na kusisitiza wasimamizi wawe makini sana kuwaangalia wanafunzi hao

Kwa upande wake Afisa elimu Mkoa Mara Bw Makwasa Bulenga amemhakikishia Mkuu wa Wilaya watayafanyia kazi maelekezo yote aliyotoa ili mashindano yamalizike kwa usawa

Mashindano hayo yatafanyika kwa siku yakibeba kauli mbiu isemayo ''Viongozi bora ni msingi wa maendeleo ya taaluma sanaa na michezo, Shiriki uchaguzi mkuu kwa 2025 kwa amani na utulivu''