TARIME MJI KUANZA KUTOA MATONE YA VITAMINI "A' , VIDONGE VYA MINYOO NA KUPIMA HALI YA LISHE KWA WATOTO

Posted on: May 31st, 2024

Wazazi na walezi katika Halmashauri ya mji Tarime wamehaswa kuwapeleka watoto walio na umri kuanzia miezi sita (6) mpaka miaka miaka mitano (5) kwenye vituo vyote vya afya kwaajili ya kupatiwa matone ya vitamin A, dawa ya minyoo na kupimwa hali ya lishe

Wito huo ameutoa Mkurugenzi wa Halmashauri ya mji Tarime Bi Gimbana Ntavyo leo mei 31 huku akisisitiza wazazi kuhakikisha watoto wenye sifa tajwa wanapatiwa huduma hii muhimu

“Nipende kuwaomba wazazi na walezi wenye watoto wa kuaniza umri wa miezi sita hadi miaka mitano kuwapeleka kwenye vituo vya afya vyote kwaajli ya kupatiwa huduma hi muhimu ya matone ya vitamin A, dawa za minyoo na hali ya lishe kwa watoto” amesema Gimbana

Aidha, Ntavyo amewataka wasimamizi wa zoezi hili kuhakikisha wanakamilisha maandalizi muhimu ili kulifanya zoezi hili kufanyika bila changamoto zozote

Zoezi hili linatarajiwa kuanza tarehe 01/06/2024 hadi tarehe 30/06/2024