SOKO LA KISASA HALMASHAURI MJI TARIME KUKAMILIKA JULAI 2023

Posted on: May 18th, 2023

Mkurugenzi wa Halmashauri ya mji wa Tarime Mh. Gimbana Ntavyo amesema mradi wa ujenzi wa soko la kisasa katika halmashauri ya mji wa Tarime ulionza tarehe 19/1/2022 unatarajiwa kukamilika ifikapo Julai mwaka huu

Hayo ameyasema ofisini kwakwe wakati wa mahojiano mafupi na Afisa Habari wa Halmashauri hiyo bwana Ibrahim Kokomoke tarehe 17/05/2023 huku akisisitiza wananchi kuendelea kuchangamkia fursa za mradi huo pale zinapotangazwa

“Mradi wetu wa soko la kisasa mpaka sasa umefikia asilimia 68 ambapo mpaka kufika julai mwaka huu soko hili tunaamini litakuwa lishakamilika kutokana na kasi ya ujenzi inayoendelea pale” amesema Ntavyo

Aidha, Gambina amesema soko hilo mpaka sasa limetoa ajira 441 , na halmashauri ya mji wa Tarime inatarajia kukusanya jumla ya shilingi 591,120,000.00 kwa mwaka ambapo kila mwezi makusanyo ni shilingi 49,260,000.00

Mradi huo wa soko la kisasa unajumuisha maduka ya nje 134, maduka ya ndani 188, vizimba 160, bucha 3, migahawa 2, ‘Super market’ 1 na benki 2.