SERIKALI YA TATUA MGOGOR WA ARDHI WA MUDA MREFU MTAA WA REMBIRWI KATA YA NKENDE HALMASHAURI YA MJI TARIME

Posted on: July 12th, 2024

Idara ya ardhi katika Halmashauri ya Mji Tarime kwakushirikiana na Ofisi ya Mkuu wa Wilaya ya Tarime imetatua mgogoro wa ardhi wa muda mrefu juu ya eneo la wazi katika mtaa wa Rembirwi kata ya Nkende Halmashauri ya Mji Tarime baina ya ndugu George Samo na Halmashauri ya Mji

Utatuzi huo umefanyika leo kwenye kikao cha wazi cha mtaa kilichowahusisha Serikali ya Wilaya Tarime, wananchi wa mtaa wa Rembirwi na baraza la wazee wa mila Butimbaru inchage ulifikia makubaliano juu ya eneo hilo kuwa ni mali ya serikali na Halmashauri ya Mji itaanza rasmi ujenzi wa zahanati

Akitoa shukrani kwakumalizika salama kwa kwa mgogoro Afisa Ardhi wa Halmashauri ya Mji Tarime bwana Richard Makupe amewasihi wananchi kutokuvamia maeneo ya wazi kwani yanakuwa yanatengwa kwaajili ya kujengwa miradi mbalimbali ya maendeleo

“Haya maeneo ndugu zangu huwa ni muhimu kwaajili ya kujenga miradi mbalimbali ya maendeleo katika mitaa yetu hivyo niwaombe sana tusiyavamie mtu akitaka eneo anaweza kufika katika ofisi zetu tunayo maeneo mengi” amesema makupe

Kwa upande wake Mwenyekiti wa mtaa huo Ndugu Julius Mwita Kisyori amewashukuru viongozi wote na wanachi kwakumaliza mgogoro huo na kuiomba Halmashauri ya Mji Tarime kuharakisha sasa ujenzi wa zahanati hiyo ili wananchi waweze kupata huduma ya afya karibu