NYAMA CHOMA FESTIVAL WILAYA YA TARIME YAFANA

Posted on: July 4th, 2024

Mkuu wa Wilaya ya Tarime Mhe. Kanali Maulid Hassan Surumbu kwa niaba ya Mkuu wa Mkoa wa Mara Mhe. Kanali Evans Alfred Mtambi amewapongeza wananchi kwakujitokeza kwa wingi kwenye Tamasha la kuchoma Nyama lililofanyika katika Mnada wa Mtana Halmshauri ya Wilaya Tarime 

Pongezi hizo amezitoa wakati wa kuhitimisha Tamasha hilo na kuahidi kulifanya Tamasha hilo kuwa endelevu kwani huleta watu karibu wa Halmashauri mbalimbali na lengo ni kuzidi kutangaza mifugo ya mkoa wa Mara

"Hongereni sana kwakujitokeza kwa wingi, Mkuu wetu wa Mkoa ameanzisha Tamasha hili ili kuendelea kuunganisha wananchi lakini kuitangaza nyama yetu nzuri inayopatika katika mkoa wetu" amesema Surumbu

Aidha, kanali Surumbu amewataka wananchi kuendelea kudumisha amani katika Wilaya hiyo na kuwasisitiza kushiriki kwenye uchaguzi wa serikali za mitaa kwani ni haki yao kikatiba

Tamasha la Nyama choma liliambatana na mashindano ya kuchoma nyama ambapo Mshindi wa kwanza alikuwa bwana Charles Muniko ambaye alipata zawadi ya laki tano.