MSAKO KWA WAZAZI AMBAO HAWAJAWAPELEKA WATOTO SHULE KUANZA

Posted on: April 30th, 2025

Mkuu wa Wilaya ya Tarime Mhe. Meja Edward Flowin Gowele amewataka vyombo vya ulinzi na watumishi kuanzia ngazi ya Mtaa hadi Wilaya kuanza msako kwa wazazi au walezi ambao hawajawapeleka watoto shule na wale ambao wamewaachisha shule bila sababu ya msingi ili kuchukuliwa hatua za kisheria

Hayo ameyasema leo wakati wa mkutano wa waandishi wa habari kwenye ofisi yake na kusisitiza zoezi hilo litakuwa endelevu kwasababu kuna idadi kubwa ya wanafunzi kuendelea kuacha shule na wengine kutokupelekwa

"Nasisitiza wazazi na walezi kama wana watoto na hawajawapeleka shule au wamewaachisha ili waolewe, wafanye kazi nk. pona yao ni kuhakikisha wanarudi shule la sivyo tutawapeleka mahakamani kwa sababu wanawanyima haki yao ya msingi ya kupata elimu" amesema Gowele

Aidha, Mhe. Gowele ameitaka jamii kuendelea kutoa ushirikiano kwa viongozi hao ili kuwabaini wazazi au walezi ambao wamewaficha au kuwaachisha shule watoto hao ili waweze kuchukuliwa hatua na kuahidi kulinda taarifa watakazo wapo

"Mhe Rais ametengeneza miundo mbinu yote kwaajili ya watoto kusoma sasa haiwezekani wazazi kuamua kuminya haki hiyo niwaombe wananchi tushirikiane kwa pamoja tuwabaini hao wazazi me mimi ntahakikisha tunalinda hili tunataka jamii yetu ipate elimu