MKUU WA WILAYA YA TARIME AONGOZA KIKAO CHA TATHIMINI YA LISHE ROBO YA TATU

Posted on: May 24th, 2024

Mkuu wa Wilaya ya Tarime Mhe. Kanali Hassan Maulid Surumbu leo Mei 24 ameongoza kikao cha Tathimini ya lishe katika Halmashauri ya mji Tarime na kuwataka maafisa lishe kuendelea kutoa elimu ya faida ya lishe bora katika ngazi ya familia

Hayo ameyasema leo wakati wa kuhairisha kikao hicho cha robo ya tatu mwaka 2023/2024 kilichofanyika katika ukumbi wa Halmashauri ya mji Tarime huku akisisitiza pia kuendelea kusimamia zoezi la chakula cha virutubisho mashuleni

" tuendelee kusimamia vyema hili swala la lishe katika Wilaya yetu kwani tumebarikiwa kuwa na chakula kingi ni swala la kusimamia vizuri huko mashuleni na maafisa lishe waendelee kutoa elimu kwa jamii juu ya faida ya kutumia chakula chenye virutubisho" amesema Surumbu

Aidha, Mhe Surumbu amewasihi wazazi na walezi kuhakikisha wanawaleta watoto hosptalini hasa pale wanapogundulika wamepata utapiamlo mkali ili waweze kupatiwa matibabu mapema kuepusha madhara zaidi.