MKUU WA WILAYA MHE. KANALI HASSAN SURUMBU ATATUA MIGOGORO YA ARDHIZAIDI YA 20 TARIME MJI

Posted on: June 14th, 2024

Mkuu wa Wilaya ya Tarime Mhe. Kanali Hassan Maulid Surumbu amesikiliza na kutatua kero mbalimbali za ardhi zaidi ya 20 katika Halmashauri ya mji Tarime huku akiitaka Idara hiyo ardhi kulifanya zoezi hilo kuwa endelevu

Maagizo hayo ameyatoa baada ya kuhitimisha kliniki ya ardhi katika Halmashauri ya mji Tarime iliyofanyika kwenye viwanja vya ofisi hiyo na kuwapongeza wananchi waliojitokeza kuleta changamoto zao na Kuahidi kuendelea kuzimaliza

"kwanza niwashukuru wananchi wote mmeitikia wito, najua changamoto ni nyingi lakini niwaahidi tutaendelea kuzitatua  na niwatake ofisi ya ardhi Halmashauri ya mji Tarime kulifanya zoezi hili kuwa endelevu hili changamoto zote tueze kuzimaliza" Amesema Surumbu

Kwa Upande wake Afisa Ardhi Halmashauri ya mji Tarime ndugu Richard Makupe amepokea maelekezo ya Mkuu wa Wilaya na kuitenga siku ya Alhamisi kila wili.kuwa siku ya kusikiliza na kutatua migogoro hiyo

"Maelekezo yako tumeyapokea Mhe. Mkuu wa Wilaya mimi na ofisi yangu kila Alhamisi tutakuwa tunasikiliza Changamoto zote za Ardhi na tutaleta mrejesho kwako" Amesema Makupe