MABADILIKO YA MATUKIO YA UCHAGUZI WA SERIKALI ZA MITAA 2024

Posted on: October 22nd, 2024

Msimamizi wa uchaguzi wa Serikali za Mitaa Halmashauri ya Mji Tarime Bi. Gimbana Ntavyo ametoa ufafanuzi juu ya mabadiriko ya matukio ya uchaguzi wa Sereikali za Mitaa kwa vyama vya siaisa vitakavyoshiriki uchaguzi huo Novemba 27

Akizungumza katika kikao kilichofanyika katika ukumbi wa Halmashauri Bi. Gimbana amesema ukomo wa viongozi wa Serikali za MItaa kwa viongozi waliopo madarakani ulikuwa tarehe 19 Oktoba, 2024 badala ya 25 Oktoba, 2024 na zoezi la uchukuaji na urejeshaji wa fomu za kugombea nafasi za uongozi utakuwa kuanzia tarehe 26 Oktoba hadi 1 Novemba, 2024 badala ya 1 Novemba hadi 7 novemba, 2027

Aidha, amewashukuru viongozi hao wa vyama vya siasa kwakuendelea kutoa ushirikiano toka zoezi la uandikishaji mpaka sasa na kuwasihi kendelea kuwasiliana pale panapokuwa na changamoto katika kila hatua ya zoezi hili

"tuendelee  kushirikiana ili tuweze kufanikisha jambo hili kwa pamoja, niwaombe pia muwahamasishe wanachama wenu kuja kuchukua fomu ili wananchi waweze kuwa na uwanda mpana wa kuchagua viongozi wao" amesema Gimbana

Uchaguzi wa Serikali za Mitaa utafanyika tarehe 27 Novemba, 2024 na umebeba kauli mbiu "Serikali za Mitaa, Sauti ya Wananchi Jitokeze kushiriki Uchaguzi"