MAAFISA MAENDELEO YA JAMII TOENI ELIMU YA MIKOPO YA SERIKALI - MDEMU

Posted on: April 18th, 2025

Naibu Katibu Mkuu Wizara ya Maendeleo ya Jamii, Jinsia, Wanawake na Makundi Maalum Bi. Felister Mdemu Amewataka maafisa maendeleo ya jamii katikz Halmashauri ya Mji Tarime kuongeza kazi ya utoaji elimu kuhusu Fursa mbalimbali za mikopo ya Serikali kwa wananchi

Hayo ameyesema jana tarehe 17/04/2025 kwenye mwendelezo wa kampeni ya Mageuzi ya Kifikra na amsha ari Wilayani hapo huku akisistiza wanachi kuchangamkia fursa hizo kwaajili ya kijiinua kiuchumi

“Niwaombe sasa Maafisa wetu kuhakikisha elimu ya mikopo ya Serikali mbalimbali inafika huku chini wananchi waweze kujua Serikali yao inavyohitaji mabadiriko ya kiuchumi kwa kuwawezesha kupitia hiyo mikopo wasaidieni wananchi” amesema Mdemu

Aidha, amewasihi Wazee wa Mila Wilayani hapo kuendelea kusaidiana na jamii katika malezi ya watoto ili kujenga jamii yenye maadili mazuri na yenye kuleta maendeleo nchini

Kwa Upande wake Diwani wa Kata ya Nyandoto Mhe. Sabega Sinda ameishukuru Wizara hiyo kwakutoa elimu mbalimbali kwa wananchi na kuahidi kuendelea kufatilia na kusimamia maelekezo yote waliotoa ili wananchi wanufaike na fursa mbalimbali

“Elimu tulioipata hapa kwa muda huu itoshe kusema itabadili maisha ya wananchi wetu, Fursa hizi tutahakikisha tunazitumia katika kuleta maendeleo ya katika kaya zetu” amesema Sabega

Kampeni hiyo iliyobebaba kauli mbiu ya “Samia na Maendeleo Hadi kieleweke” Kitaifa ilizinduliwa Wilaya Tarime Mkoani Mara tarehe 14/04/2025 na imehitimishwa tarehe 17/04/2025