MAAFISA AFYA NA LISHE HALMASHAURI YA MJI TARIME WATEKELEZA KAMPENI YA MWEZI WA AFYA NA LISHE KWA MTOTO

Posted on: December 5th, 2025

Maafisa Afya na Lishe Halamshauri ya Mji Tarime wametoa matone ya Vitamini A na Dawa za minyoo kwa watoto ikiwa ni sehemu ya utekelezaji wa Kampeni ya Mwezi wa Afya na Lishe kwa Mtoto.

Zoezi hilo limefanyika katika kata ya Turwa Mtaa wa Rebu Shuleni kwa watoto wenye umri wa miezi 6–59 ili kudhibiti maambukizi ya minyoo yanayoweza kuathiri ukuaji na afya zao kwa ujumla.

"Tunatoa matone ya Vitamin A na dawa za minyoo ili kuhakikisha watoto wetu wanakuwa na kinga imara, ukuaji mzuri na afya bora wazazi wana nafasi kubwa katika kuhakikisha watoto wanapata huduma hizi kila zinapotolewa, kwa sababu ni hatua muhimu katika ukuaji wa Mtoto" Amesema Everada Fredrick Nfuna

Wazazi na Walezi wa Kata ya Turwa Mtaa wa Rebu wameonesha mwitikio mzuri na kujitokeza kwa wingi katika zoezi hili kuhakikisha watoto wao wanapata huduma hizo muhimu.

''Huduma ya Vitamin A na dawa za minyoo imetupa matumaini mapya tunafurahia kuona serikali ikituletea huduma karibu na jamii, na tutaendelea kushiriki kikamilifu.” Amesema mmoja wa Wazazi.

Maafisa Afya na Lishe wa Halmashauri ya Mji Tarime wanaendelea kutoa wito kwa wazazi na Walezi kuhakikisha wanashiriki kikamilifu kwa kupeleka watoto wao katika huduma hizo zinazoendelea kutolewa mpaka tarehe 31 Disemba mwaka huu ili kuimarisha afya bora na ukuaji wa mtoto.