KUELEKEA MAADHIMISHO YA MIAKA 60 YA MUUNGANO TARIME MJI YAPANDA MITI

Posted on: April 24th, 2024

Mkuu wa wilaya ya Tarime Mhe. Kanali Hassan Maulid Surumbu amewaongoza wananchi na viongozi mbalimbali wa wilaya hiyo kupanda miti 520 Pembezoni mwa Mto Mori ikiwa ni shughuli mbalimbali za kuelekea kuadhimisha miaka 60 ya Muungano wa Tanganyika na Zanzibar tarehe 26/04/2024

Zoezi hilo limefanyika katika Mtaa wa Kinyambi Kata ya Nkende pembezoni mwa Mto Mori, huku Mhe. Surumbu akiwahasa wananchi kuendelea kutunza mazingira na kuhakikisha wanasimamia miti hiyo iweze kukua vizuri

"Tunaelekea kusherekea miaka 60 ya Muungano wetu ni vyema pia tukajua utunzaji wa mazingira katika taifa letu la Tanzania ni jukumu letu kwani ni kipaumbele pia cha Mhe. Rais wa Jamhuri ya Muungano wa Tanzania Dkt. Samia Suluhu Hassan hivyo tuisimamie vizuri miti ili iweze kukua" amesema Surumbu

kauli mbiu ya Miaka 60 ya Muungano wa Tanganyika na Zanzibar " miaka 60 ya Jamhuri ya Muungano wa Tanzania , tumeshikamana na tumeimalika kwa maendeleo ya Taifa letu"