KITUO CHA AFYA MAGENA HALMASHAURI YA MJI TARIME CHA SHEREKEA MIAKA 4 YENYE MAFANIKIO MAKUBWA

Posted on: July 13th, 2024

Kituo cha afya Magena kilichopo katika kata ya Nkende Halmashauri ya Mji Tarime leo kimesherekea miaka mnne ya mafanikio toka kuanzishwa kwake mwaka 2020

Akitoa pongezi kwa watumishi wa afya wa kituo hicho wakati wa sherehe hizo zilizofanyika katika kituo hicho leo Julai 13, Mkuu wa Wilaya ya Tarime Mhe. Kanali Maulid Hassan Surumbu amewataka watumishi hao kuyatumia mafanikio waliyopata ndani miaka mnne kuwa chachu ya utendaji bora kwa miaka ijayo

"Hongereni sana kwa kutimiza miaka mnne ya kituo hicho ambacho kimekuwa na sifa nyingi nzuri, hongereni sana kwa utumishi uliotukuka na sasa tuyatumie matunda hayo kwakuendelea kuwauhudumia wananchi" amesem Surumbu

Aidha, Mhe Surumbu amemshukuru Rais wa Jamhuri ya Muungano wa Tanzania Mhe. Dkt Samia Suluhu Hassan kwakuendelea kuboresha sekta ya afya katika Wilaya Tarime huku akiwataka wananchi kuviamini na kuvitumia vituo vya afya vya serikali

Kwa upande wake Mganga mkuu wa Halmashauri ya Mji Tarime dkt. Elias Makima kwa niaba ya watumishi wa afya ameahidi kuyatekeleza kwa vitendo maelekezo yote yaliyotolewa na Mkuu wa Wilaya

Kituo cha Afya Magena kilianzishwa 13 julai, 2020 baada ya kuhuishwa iliyokuwa zahanati ya magena iliyoanzishwa mwaka 2015,l kituo kinatoa huduma kwa mitaa 16 yenye wakazi 15,358 na wagonjwa toka Halmashauri za jirani