DC MNTENJELE AKABIDHI PIKIPIKI KWA DIVISHENI YA KILIMO

Posted on: December 19th, 2023

Mkuu wa wilaya Tarime Mhe. Kanali Michael Mntenjele leo amekabidhi pikipiki 7 kwa divisheni ya kilimo, mifugo na uvuvi ya wilaya hiyo ambapo pikipiki 3 ni kwa Halmashauri ya mji Tarime na pikipiki 4 ni kwa Halmashauri ya Wilaya ya Tarime

Mntenjele amekabidhi pikipiki hizo kwenye ofisi za zamani za Halmashauri ya mji Tarime huku akiwataka maafisa hao kuzitumia pikipiki hizo kwaajili ya kuwahudumia wananchi na sio kwa matumizi yao binafsi

"Rais Samia ametoa pikipiki hizi kwaajili ya nynyi maafisa kushughulikia changamoto za wakulima hapa kwetu, msiende kuzigeuza pikipiki hizo kuwa bodaboda ni kosa na hatua za kinidhamu zitachukuliwa hivyo zitumike kuwahudumia wananchi wote" amesema Mntenjele

Aidha, mkuu wa divisheni ya kilimo, mifugo na uvuvi bwana Fredrick Juma amemshukuru Rais wa Jamhuri ya muuungano wa Tanzania Mhe. Dkt Samia Suluhu Hassan kwa pikipiki hizo na kuhaidi kuzitumia kwaajili ya kuwahudumia wananchi pekee