DC GOWELE AWATAKA WATUMISHI KUENDELEA KUSIMAMIA MIRADI YA MAENDELEO VYEMA

Posted on: November 29th, 2024

Mkuu wa Wilaya ya Tarime Mhe. Meja Flowin Gowele amezitaka Halmashauri ya Mji Tarime pamoja na Halmashauri ya Wilaya ya Tarime kuendelea kusimamia vyema utekelezaji wa miradi mbalimbali ya maendeleo katika Wilaya hiyo

Hayo ameyasema leo wakati wa kuhitimisha baraza la Ushauri la Wilaya (DCC) lililofanyika katika Ukumbi wa Halmashauri ya Mji Tarime

“Tuendelee kusimamia miradi yetu ya maendeleo na tuhakikishe inakamilika kwa muda uliopangwa ili wananchi wetu waweze kupata huduma” amesema Gowele

Aidha, amewataka wajumbe wa baraza hilo kuendelea kutoa maoni na ushauri na kuyafikisha katika ofisi yake ili aweze kuyafanyia kazi kwa haraka

Mkutano wa baraza la ushauri la Wilaya limejumuisha Halmashauri zote mbili za Tarime, Taasisi za Serikali za Wilaya pamoja na Taasisi za watu binafsi