DC GOWELE AWATAKA WANANCHI TARIME MJI KUKATA VIBALI KABLA YA UJENZI

Posted on: October 8th, 2025

Mkuu wa Wilaya ya Tarime Mhe. Meja Edward Gowele amewataka wananchi wa Halmashauri ya Mji Tarime kuhakikisha wanapata vibali vya ujenzi toka Halmashauri ili kuepusha migogoro ya ardhi

Wito huo ameutoa leo wakati akitatua mgogoro wa ardhi katika Mtaa wa Nyangai Kata ya Sabasaba Halmashauri ya Mji Tarime huku akiwasisitiza watumishi kuwasaidia wananchi wanapotaka kuanza kujenga

"ili kuepushga migogoro kama hii niwaombe sana wananchi tuwe na desturi ya kufata taratibu zilizowekwa na Serikali ili msije kuingia gharama ya bure hivyo hakikisha una kibali cha ujenzi kabla ya kuanza ujenzi" Amesema Gowele

Kwa upande wake Mwenyekiti wa Mtaa huo Bw. Nyamite Mwita amemshukuru mkuu wa Wilaya na kumhakikishia kuendelea kufatilia na kutoa elimu kwa wananchi ili ujenzi mbalimbali ufate utaratibu

"kwa niaba ya Wananchi wangu tunasema asante kwa kuja na timu yako leo tumepata elimu na kutatua mgogoro huu tunaahidi kuyuafanyia kazi maelekezo yako" amesema Nyamwite

Mgogoro huo ulikuwa unahusu mwananchi wa Mtaa huo kujenga Nyumba ya Biashara kwenye eneo la Barabara na umepatiwa ufumbuzi leo na Mkuu wa Wilaya ya Tarime