DC GOWELE AWATAKA VIONGOZI WA DINI TARIME KUHUBIRI AMANI

Posted on: September 12th, 2024

Mkuu wa Wilaya ya Tarime Mhe. Meja Edward Gowele amewataka viongozi wa dini zote ya kiislma na kikirsto kuendelea kuhubiri amani katika madhehebu yao ili kuendelea kuwa na kizazi chenye amani nchini

Hayo ameyasema leo alipokuwa akihutubia waumini wa kanisa la Mennonite jimbo la Tarime wakati wa kuhitimisha kongamano la maombi la kanisa hilo na kuwataka kutoa ushirikiano ili kuwabaini waarifu katika jamii

"amani yetu ni tubu na tunajivunia hivyo viongozi wa dini nitumie nafasi hii kuwaomba sana kuendelea kuwaelekeza waumini wenu wailinde amani hii kwani ni nguzo ya umoja na mshikamano wetu kama taifa, hivyo tutoe ushirikiano kwa viongozi ili tuwabaini waarifu mapema" amesema Gowele

Aidha, amemshukuru Mhe. Rais wa Jamhuri ya Muungani wa Tanzania Dkt. Samia Suluhu Hassan kwakuendelea kuwaunganisha makundi mbalimbali ili kuzidi kuchochea maendeleo na umoja katika Taifa

Kwa Upande wake Katibu Mkuu wa kanisa hilo nchini Mch. Emmanuel Onditi ameipongeza serikali kwakuendelea kushirikiana na viongozi wa dini bila kujali itikadi zao na kuhaidi kuendelea kushirikiana na serikali katika kuleta maendeleo katika jamii

"kama kanisa tumeendelea kujenga miradi mbalimbali kwaajili ya maendeleo ya wananchi wetu, tunaendelea na hili na tunaahidi kutoa ushirkiano kwa serikali ili misingi ya Taifa hili iliyojengwa kwa amani na upendo iendelee kudumu" amesema Onditi

Kongamano hilo la maombi ya kanisa hilo pamoja na serikali linafanyika kwenye kanisa la Mennonite jimbo la Tarime na limeanza toka Tarehe 09/09/2024 na kutarajia kuhitimishwa tarehe 15/09/2024