DC GOWELE AONGOZA ZOEZI LA UOKOAJI WA WATU WALIOKUMBWA NA MAFURIKO TARIME MJI

Posted on: November 25th, 2024

Mkuu wa Wilaya ya Tarime Mhe. Meja Edward Gowele amewaongoza wananchi wa kwenye uokoaji wa watu waliokumbwa na mafuriko pembezoni mwa mto Mori siku ya jumapili usiku katika mtaa wa Bugosi kata ya Nyamisangura Halmashauri ya Mji Tarime

Akizungumza na waandishi wa Habari Mhe. Gowele amewashukuru wananchi kwakuendelea kushirikiana na Serikali katika kuhakikisha wanawaokoa watu wote waliokumbwa na maafriko hayo toka siku ya jumapili

“Niwashukuru sana wananchi kwakuendelea kusaidiana na Serikali kwenye kuwatafuta ndugu zetu ambao wamepata changamoto hii, nawaomba tuendelee kushirikiana katika hili” amesema Gowele

Aidha, amewaomba kuhakikisha hawajengi makazi karibia na ukingo wa Mto Mori ili kupunguza madhara ambayo yanatokana na Mto huo hasa katika kipindi cha Masika

Jumla watu nane wanasadikika kufariki huku miili ya watu saba imepatikana watu watatu wameokolewa wawili wako hosptali na waendelea vizuri huku zoezi la uokoaji likiendelea